Türkiyə Prezidenti Rəcəb Tayyib Ərdoğanla suriyalı həmkarı Bəşər Əsədin mümkün görüşünün detalları açıqlanıb.

“Report” xəbər verir ki, bu barədə “CNN Türk” məlumat yayıb.

Bildirilib ki, liderlər avqustun əvvəlində Rusiyanın paytaxtı Moskvada bir araya gələ bilərlər. Sözügedən görüşün Rusiya Prezidenti Vladimir Putinin vasitəçiliyi ilə keçiriləcəyi gözlənilir.

Bundan başqa, ölkə liderlərinin İraqın paytaxtı Bağdadda və Türkiyə-Suriya sərhədindəki Kasep qapısında da görüşə biləcəkləri mümkün versiyalar sırasındadır.

Qeyd edək ki, iyulun 24-də V.Putin B.Əsədlə görüş baş tutub. Daha sonra Türkiyənin xarici işlər naziri Hakan Fidan rusiyalı həmkarı Sergey Lavrovla görüşü olub.

Məlumata görə, R.T.Ərdoğan Suriya ilə münasibətlərin normallaşması üçün detalların müəyyənləşdirilməsini H.Fidana tapşırıb.

Oxşar xəbərlər

Türkiyə XİN Ərdoğanla Əsədin Moskvada görüşəcəyi ilə bağlı xəbərləri təkzib edib

Türkiyə XİN Ərdoğanla Bəşər Əsədin Moskvada mümkün görüşü ilə bağlı xəbərləri təkzib edib

Putin gələn ilin əvvəlində Ərdoğanla görüşməyi planlaşdırır

Putin Kremldə Əsədlə danışıqlar aparıb

Türkiyə XİN rəhbəri Moskvada baş vermiş terror hücumunu pisləyib