Türkiyə Prezidenti Rəcəb Tayyib Ərdoğan Birləşmiş Ərəb Əmirliklərinin Prezidenti Şeyx Mohamed bin Zayed Al Nahyanla telefon danışığında ölkəsinin Azərbaycan və Ermənistan arasında Əbu-Dabidə keçirilən sülh danışıqlarını yaxından izlədiyini bildirib.

“Sizinxeber.az” xəbər verir ki, Ərdoğan Qafqazda sülhün bərqərar olması üçün səyləri dəstəkləməyə davam edəcəklərini deyib.

Ərdoğan “Terrorsuz Türkiyə” prosesi ilə terrorun həm Türkiyənin, həm də bölgənin gündəmindən tamamilə çıxarılması istiqamətində əhəmiyyətli bir addım atdıqlarını və bu prosesin qətiyyətlə davam etdiriləcəyini bildirib.

Al Nahyan da Türkiyənin “Terrordan azad Türkiyə” hədəfinin regional təhlükəsizliyə əhəmiyyətli töhfə verəcəyini bildirib və Ankaranın bu prosesi uğurla başa vuracağına ümid etdiyini nəzərə çatdırıb.

Ərdoğan həmçinin Türkiyə ilə Birləşmiş Ərəb Əmirlikləri arasındakı strateji tərəfdaşlığın müsbət təsirinin hər sahədə özünü göstərdiyini və iki ölkənin müdafiə sənayesi və yeni texnologiyalar başda olmaqla bir çox sahədə böyük potensiala malik olduğunu vurğulayıb.

Oxşar xəbərlər

Ərdoğan Azərbaycan-Ermənistan sülh danışıqlarını yaxından izlədiyini bildirib

Türkiyə Prezidenti: “Əbu-Dabidə keçirilən Azərbaycan-Ermənistan sülh danışıqlarını diqqətlə izləyirik”

Ərdoğan: Azərbaycan-Ermənistan sülh prosesi çərçivəsində ən qısa zamanda xoş xəbər almağa ümid edirik

Ərdoğan: Azərbaycan - Ermənistan sülh sazişinin imzalanmasına çalışırıq

Ərdoğan: Azərbaycanla Ermənistan arasında sülh üçün çalışırıq