İran Həştərxan limanının şəriklilərinin səhmlərini almağı təklif edib.

“Report” xəbər verir ki, bu barədə “Kommersant” qəzeti məlumat yayıb.

Hazırda üç İran vətəndaşına məxsus olan Nasim Bahr Kish limanın səhmlərinin 53%-nə sahibdir.

İranın IRISL dövlət şirkətinin nəzarətində olan İran Fanavaran Darya Qostar Jonob Arvand və Fanavaran Darya Gostar Jonob Arvand 1,52% və 1,82% paya sahibdir.

Limanın iranlı olmayan səhmdarları arasında Rostec (25,5%) və Kiprin Volqa-Vaster-Qərb (3,33%) şirkətləri var.

Mövcud məlumatlara görə, Nasim Bahr Kish təxminən 437,5 milyon rubla adi səhmlərin 46,3%-ni və imtiyazlı səhmlərin 48,7%-ni almağa hazırdır. İranın “Bank Melli”nin yaratdığı maliyyə qurumu bu məbləğə bank zəmanəti verib.

Həştərxan limanı əsasən taxta yük, taxıl və neft daşımalarını həyata keçirir. 2023-cü ildən liman öz donanmasını formalaşdırır.

Oxşar xəbərlər

Astara-Bakı-Həştərxan konteyner qatarı işə salına bilər

Həştərxan şirkətləri Azərbaycana balıq məhsullarının ilk tədarükünə başlayıb

ABŞ-nin F-22 qırıcıları İranın yaratdığı təhdidlərə qarşı hərəkətə keçib

“Bank Melli İran”ın Bakı Filialının mənfəəti 39%-ə yaxın azalıb

XİN rəsmisi: İran ABŞ ilə birbaşa olmayan danışıqları davam etdirməyə hazırdır