Kreml Avropa ölkələrinin Ukraynaya tədarük edilən silahların çeşidinə qoyulan məhdudiyyətləri aradan qaldırmasını eskalasiya adlandırıb.

Sizinxeber.az-nın Moskva bürosu xəbər verir ki, Rusiya prezidentinin mətbuat katibi Dmitri Peskov bildirib ki, Avropa ölkələrinin bu qərarı eskalasiyadır.

“Dünən Mertz məhdudiyyətlərin aradan qaldırılması ilə bağlı qərarın verildiyini açıqladı. Dünən nazirlər kabinetinin üzvlərindən biri bunu təkzib etdi. Bu gün ya da dünən axşam gec saatlarda Mertz təkid etdi ki, belə bir qərar bir neçə ay əvvəl verilib. Bu və ya digər şəkildə, əgər bu doğrudursa, bu, eskalasiyadır və əldə edilmiş sülh yolu ilə nizamlanma cəhdlərinə ən ciddi ziddiyyət təşkil edən ciddi eskalasiyadır”, - Kremlin sözçüsü vurğulayıb.

Qeyd edək ki, mayın 26-da Almaniya kansleri Fridrix Mertz Almaniya, Böyük Britaniya, Fransa və ABŞ-ın Ukraynaya tədarük edilən silahların çeşidinə qoyulan məhdudiyyətləri aradan qaldırdıqlarını açıqlayıb. Daha sonra vitse-kansler Lars Klinqbeyl bildirib ki, Ukraynanın ala biləcəyi alman silahlarının çeşidi ilə bağlı Almaniyanın siyasəti dəyişməz qalıb.

Oxşar xəbərlər

Mertz: Almaniya hərbçilərinin Ukraynaya göndərilməsi məsələsi gündəmdə deyil

Almaniya kansleri: Rusiya Avropa təhlükəsizliyi üçün ən böyük təhdiddir

Mertz: Rusiya atəşkəsdən imtina edərsə, yeni sanksiyalarla üzləşəcək

Kreml Avropanın Ukraynaya qoşun yeritmək planlarından narahatdır

Merkel: Fridrix Mertz Almaniyanın kansleri postuna uyğun namizəddir