Qars-Gümrü dəmir yolunun və əlaqəli infrastrukturun bərpası üzrə işlər davam edir, lakin son tarixlər barədə danışmaq hələ tezdir.

"Armenpress"in məlumatına görə, bunu bu gün brifinq zamanı Ermənistanın Baş naziri Nikol Paşinyan bildirib.

“Biz bu istiqamətdə işləyirik və hazırda son tarixlər barədə heç nə deyə bilmərəm, çünki bir çox texniki qiymətləndirmə işləri var”, - o qeyd edib.

Paşinyanın sözlərinə görə, texniki problemləri aşkar olunur.

“Ehtiyacları qiymətləndirib işə başlamalıyıq”, - Baş nazir əlavə edib.

Qeyd edək ki, Ermənistan-Türkiyə münasibətlərinin normallaşdırılması çərçivəsində əldə edilən razılaşmalara uyğun olaraq, aprelin 28-də Qarsda Gümrü-Qars dəmir yolunun bərpası və istismarı üzrə Ermənistan-Türkiyə birgə işçi qrupunun iclası keçirilib. Tərəflər regionda nəqliyyat kommunikasiyalarının genişləndirilməsi kontekstində Gümrü-Qars dəmir yolunun tezliklə istismara verilməsinin vacibliyini vurğulayıblar.

Oxşar xəbərlər

Ermənistan XİN rəhbəri: Türkiyə ilə Gümrü-Qars dəmir yolunun texniki imkanlarını qiymətləndirəcəyik

Gümrü-Qars dəmir yolunun Ermənistan hissəsinin işə salınması təxminən bir il çəkəcək

Mirzoyan: Ermənistan və Türkiyə Gümrü-Qars dəmir yolu xəttinin texniki tələblərini birgə qiymətləndirəcək

Türkiyə və Ermənistan Qars-Gümrü dəmir yolu xəttinin işə salınması ilə bağlı iclas keçirib