Ermənistanın Baş naziri Nikol Paşinyan keçmiş həyat yoldaşı Anna Akopyanla yenidən görüşməsinə münasibət bildirib.

Ermənistan mediasının xəbərinə görə, Paşinyan bu gün hökumətin iclasından sonra jurnalistlərlə keçirdiyi brifinqdə bildirib ki, ailənin yenidən birləşməsi üçün səylər göstərir və belə bir imkanın yaranmasından məmnundur.

“Anna açıqlama verəndə mən bu qərara hörmət etdiyimi bildirdim, amma bu qərarla razı olduğumu demədim və təbii ki, bu məntiqlə qeyd etdiyiniz tədbirin baş tutması üçün də səylər göstərdim. Bunun baş verməsindən məmnunam və ailəmizi qorumaq üçün daha bir şansım olduğuna görə xoşbəxtəm", - deyə o bildirib.

Qeyd edək ki, Nikol Paşinyan Gümrüdə avtomobil yürüşündə sabiq həyat yoldaşı ilə birlikdə iştirak edib.

Xatırladaq ki, bir müddət əvvəl Anna Akopyan Ermənistanın Baş naziri Nikol Paşinyanla vətəndaş nikahının başa çatdığını açıqlayıb.

Oxşar xəbərlər

Paşinyan: Ermənistan Aİ-yə üzv olmaq istəyir

Paşinyan: Ermənistan qonşularının suveren ərazilərini tanıyır

Paşinyan Konstitusiyaya dəyişikliyin mümkün olduğunu bildirib

Paşinyan ABŞ-a səfər edəcək

Paşinyan Parisdə Makronla görüşüb