NATO daxilindəki böhran səbəbindən Avropada Ukraynanın da daxil olduğu yeni bir hərbi bloka ehtiyac olduğu barədə çox danışılır.

Sizinxeber.az-nın Moskva bürosu xəbər verir ki, bu barədə Rusiya xarici işlər naziri Sergey Lavrov KTMT Parlament Assambleyası Şurasının iclasında çıxışında bildirib.

Onun sözlərinə görə, Qərbin getdikcə daha çox güc siyasətinə əl atdığı bir kontekstdə KTMT beynəlxalq hüquqdan yayınmayacaq: "NATO daxilində böhranın şahidi oluruq. Avropadakı müxtəlif rəsmi mənbələrdən Avropa İttifaqı, Britaniya, Norveç və Ukraynadan yeni bir blok yaratmaq zərurəti barədə səslər artıq getdikcə daha ucadan eşidilir”.

Lavrov deyib ki, Avrasiyada təhdidlər əhəmiyyətli dərəcədə artır və KTMT-dən əlavə səylər tələb olunur.

O, Yaxın Şərqdəki böhranın KTMT regionuna da təsir edəcəyini deyib.

Lavrov vurğulayıb ki, Körfəzdəki böhran, Livandakı münaqişə, Suriyaya qarşı dövləti parçalamaq üçün daha bir cəhd məqsədi daşıyan artan hərbi əməliyyatlar və həm Qəzza, həm də İordan çayının qərb sahilində Fələstin xalqının faciəsini daha da ağırlaşdıran tam durğunluq KTMT regionuna təsir edəcək.

"Bu, bizim regionumuzdan yan keçməyəcək, çünki afterşoklar - mən yenicə Antalyada keçirilən beynəlxalq diplomatik konfransdan qayıtdım və Türkiyə Prezidenti Rəcəb Tayyib Ərdoğanın və digər iştirakçıların çıxışında bu tədbirdə iştirakım zamanı qaldırılan məsələlərdə Körfəz böhranının təkcə Ərəbistan yarımadası ölkələri üçün deyil, həm də Xəzər dənizi, Cənubi Qafqaz və Orta Asiya üçün nəticələri ilə bağlı çox ciddi narahatlıq var idi", - Rusiya XİN başçısı qeyd edib.

Oxşar xəbərlər

Lavrov Paşinyanın KTMT ilə bağlı dediklərinə münasibət bildirib

Kreml Paşinyanın KTMT ilə bağlı ittihamlarına cavab verib

Lavrov: NATO-nun ən böyük düşməni özüdür

Zaxarova: Rusiya ümid edir ki, Ermənistanla KTMT çərçivəsində tərəfdaşlıq tam bərpa olunacaq

Zaxarova: Rusiya ümid edir ki, KTMT çərçivəsində Ermənistanla tərəfdaşlıq tam bərpa olunacaq