Fələstinin “HƏMAS hərəkatı Qəzza zolağındakı israilli girovlardan birini İsrail Müdafiə Qüvvələrinin (IDF) onun saxlandığı yerə yaxınlaşdığı zaman öldürməklə hədələyib.

“Sizinxeber.az” xəbər verir ki, bu barədə hərəkatın hərbi qanadı - “İzzəddin əl-Qəssam briqadaları” qrupunun nümayəndəsi Əbu Ubeydə bəyanat yayıb.

“İsrail hərbçiləri girov Matan Zanqaukerin saxlandığı yeri mühasirəyə alıb və biz təsdiq edirik ki, onlar onu sağ-salamat azad edə bilməyəcəklər. Onun ölümünə görə bütün məsuliyyəti İsrail ordusu daşıyacaq”, - o yazıb.

Girovun dəqiq harada saxlandığı barədə məlumat verilmir.

Qeyd edək ki, son üç gündə İsrail ordusu Qəzza zolağında radikallar tərəfindən qaçırılan üç girovun qalıqlarını aşkar edib.

Oxşar xəbərlər

İsrail ordusu: Ötən il Qəzzada öldürülən 3 girovun meyitləri tapılıb

“HƏMAS” azad ediləcək üç girovun adını vasitəçilərə verib

İsrail ordusu Qəzzada bir neçə girovun meyitini aşkarlayıb

İsrail ordusu Qəzzədə HƏMAS Siyasi Bürosunun üzvlərindən birinin məhv edildiyini bildirib

HƏMAS İsrail və ABŞ vətəndaşlığı olan girovu azad edib