Kim Çen In Rusiyaya Ukrayna ilə münaqişədə dəstək vəd edib

Koreya Xalq Demokratik Respublikasının lideri Kim Çen In beynəlxalq məsələlərdə, o cümlədən Ukraynadakı vəziyyətlə bağlı Rusiyaya dəstək verəcəyini vəd edib.

“Report”un Mərkəzi Teleqraf Agentliyinə (KCNA) istinadən verdiyi xəbərə görə, bunu o, Rusiya Federasiyası Təhlükəsizlik Şurasının (TŞ) katibi Sergey Şoyqu ilə görüşdə deyib.

Şimali Koreya lideri Rusiyanın “ölkənin suverenliyinin, ərazi bütövlüyünün və təhlükəsizliyinin” qorunmasında uğur qazanacağına əminliyini ifadə edib.

Danışıqlar zamanı Kim Çen In və Şoyqu beynəlxalq vəziyyəti və Ukrayna ətrafında vəziyyəti müzakirə ediblər.

Katib öz növbəsində Koreya xalqının nümayəndələrinin Kursk vilayəti “uğrunda” gedən döyüşlərdə iştirakına görə Rusiya rəhbərliyinin xüsusi minnətdarlığını KXDR liderinə çatdırıb.