ABŞ-nin paytaxtı Vaşinqton şəhərinin Şimal-Qərb məhəlləsində Paytaxt Yəhudi Muzeyinin qarşısında İsrail səfirliyinin iki əməkdaşının ölümü ilə nəticələnən atışmadan sonra Nyu-York şəhərinin hüquq-mühafizə orqanları dini obyektləri və mədəniyyət müəssisələrini qorumaq üçün əlavə bölmələr yerləşdirəcək.

“Report”un xəbərinə görə, bu barədə Nyu-York polisinin “X” sosial şəbəkəsində məlumat verilib.

“Nyu-York şəhəri ilə heç bir əlaqəsinin olmamasına baxmayaraq, Vaşinqtonda yəhudiləri və İsrail vətəndaşlarını hədəf alan dəhşətli hücuma cavab olaraq, şəhər polisi əlavə magistral patrullar, ağır silah qrupları və terrorla mübarizə bölmələri ilə dini obyektlərdə və mədəniyyət müəssisələrində mövcudluğunu gücləndirəcək”, - məlumatda bildirilib.

Daha əvvəl ABŞ Ədliyyə Departamentinin katibi Pam Bondi qeyd edib ki, səlahiyyətlilər atəş açmaqda şübhəli bilinən şəxsin təkbaşına hərəkət etdiyini və hazırda həbsdə olduğunu bildirib.

ABŞ-da paytaxt Vaşinqtonun Şimal-Qərb məhəlləsində Paytaxt Yəhudi Muzeyinin qarşısında İsrail səfirliyinin iki əməkdaşı güllələnib. Şəhərin polis rəisi Pamela Smitin sözlərinə görə, onlar muzeydə keçirilən tədbirdən çıxarkən Çikaqodan olan 30 yaşlı Elias Rodriqez tərəfindən öldürülüb.

Oxşar xəbərlər

Vaşinqtonda atəş açmaqda şübhəli bilinən şəxs saxlanılıb - YENİLƏNİB

Vaşinqtonda yəhudi muzeyində atəş açan şəxs Çikaqo sakinidir - YENİLƏNİB-2

Nyu-York Polisinin rəhbəri korrupsiya araşdırmaları fonunda istefa verib

ABŞ-nin Nyu-York şəhərində Hudson çayına helikopter düşüb, ölənlər var

Nyu York - Dehli reysi ilə uçan təyyarə Rusiyada təcili eniş edib