Pakistan və Əfqanıstan diplomatik əlaqələrin səviyyəsini yüksəltməyi planlaşdırır.

"Report" Reuters agentliyinə istinadən xəbər verir ki, bunu Çinin xarici işlər naziri Van i bildirib.

"Tərəflər bir-birinin ölkələrinə mümkün qədər tez səfirlər göndərmək barədə razılığa gəliblər", - Van i mayın 21-də "Taliban" radikal hərəkatının hökumətində xarici işlər naziri Əmir Xan Muttaki və Pakistan XİN başçısı İshaq Dar ilə danışıqlardan sonra bildirib.

Onun sözlərinə görə, hər iki ölkə görüş zamanı diplomatik əlaqələrinin səviyyəsini yüksəltməyə hazır olduqlarını aydın şəkildə ifadə ediblər: "Çin bunu alqışlayır və Əfqanıstan-Pakistan münasibətlərinin yaxşılaşdırılmasında yardım göstərməyə davam etməyə hazırdır".

Çinin XİN başçısı həmçinin bildirib ki, danışıqlar zamanı Çin və Pakistan Əfqanıstanın bərpasına və inkişafına dəstək ifadə ediblər.

O qeyd edib ki, İslamabad "diplomatik qarşılıqlı əlaqələrin, ticarətin genişlənməsi və tranzit prosedurlarının sadələşdirilməsi də daxil olmaqla ikitərəfli münasibətlərdəki müsbət dinamikanı alqışlayır".

Oxşar xəbərlər

Pakistan Hindistanla atəşkəsi mayın 18-dək uzatmağa hazırdır

Nazir: Pakistan və Hindistanı məsələni siyasi-diplomatik müstəvidə həll etməyə çağırırıq

Pakistan-Əfqanıstan sərhədində atışma, ölənlər və yaralılar var

Pakistan qüvvələri ilə “Taliban” arasında silahlı toqquşma olub

Pakistan-Əfqanıstan sərhədində toqquşmalarda 28 nəfər ölüb