Əfqanıstanın Pilvasin rayonundan radikal taliblər tərəfindən müasir silahlardan istifadə etməklə Pakistanın nəzarət-buraxılış məntəqələri atəşə tutulub.

“Sizinxeber.az” xəbər verir ki, bu barədə “The News” qəzeti məlumat yayıb.

Pakistan Sərhəd Korpusunun cavab atəşi nəticəsində ən azı səkkiz Taliban yaraqlısı öldürülüb, 16-sı yaralanıb.

Əfqanıstanın “TOLOnews” telekanalı Xost vilayətində mübahisəli sərhəd bölgəsində Taliban və Pakistan hərbçiləri arasında vaxtaşırı döyüşlərin ikinci gündür davam etdiyini bildirib.

Vurğulanıb ki, Əfqanıstan tərəfinin mübahisəli sərhəddə keçid məntəqəsi tikməsi səbəbindən sentyabrın 7-də Taliban və Pakistan sərhədçiləri arasında yenidən döyüşlər başlayıb.

Hər iki tərəfdən itkilərin olduğu qeyd edilib, lakin onların dəqiq sayı barədə məlumat verilməyib. Ərazidə hərbi hərəkətlər müşahidə olunub.

Oxşar xəbərlər

Pakistan qüvvələri ilə “Taliban” arasında silahlı toqquşma olub

Pakistan sərhədçiləri ilə Taliban döyüşçüləri arasında sərhəddə toqquşma olub

Pakistan sərhədçiləri ilə Taliban döyüşçüləri arasında toqquşma olub

“Taliban” İŞİD-i Əfqanıstan üçün ciddi təhlükə hesab etmir

“Taliban” BMT-nin xüsusi məruzəçisinin Əfqanıstana girişini qadağan edib