“Mən İranla nüvə məsələlərində razılaşmaq istərdim, çünki bunu bombalamaqdan üstün tuturam”.

“Sizinxeber.az” xəbər verir ki, bunu ABŞ lideri Donald Tramp “The New York Post”a müsahibəsində qeyd edib.

Onun sözlərinə görə, belə bir razılaşma əldə olunarsa, İsrail İrana hücum etməyəcək. Bununla belə, Tramp potensial danışıqların təfərrüatlarını açıqlamaqdan imtina edib.

Prezident ümid edir ki, onlar hazırkı planlarından əl çəkəcəklər: “Onlara sövdələşməyə hazır olduğumu söyləyəcəyəm”.

Razılaşmanın müqabilində İrana konkret nə təklif edəcəyi sualına Tramp belə cavab verib: “Çox sərt olduğu üçün deyə bilmərəm. Amma mən onları bombalamayacağam”.

Qeyd edək ki, ABŞ Prezidenti Donald Tramp ilə Rusiya lideri Vladimir Putin arasında telefon danışığı baş tutub.

Oxşar xəbərlər

Tramp İranla saziş bağlamağa hazır olduğunu bildirib

NY Post: Tramp köməkçisinə Ukrayna ilə bağlı görüşləri təşkil etməyi tapşırıb

Trampla Putin arasında telefon danışığı olub

Donald Tramp Kim Çen Inla əlaqə saxlayacağına söz verib

Tramp İranla müharibə ehtimalını istisna etməyib