Prezident Donald Trampın rəhbərlik etdiyi yeni Amerika administrasiyası ABŞ Beynəlxalq İnkişaf Agentliyinin (USAID) işçilərini 30 dəfədən çox ixtisar etməyi planlaşdırır - dünya üzrə indiki 10 min nəfərdən 294-ə qədər.

“Report” xəbər verir ki, bu barədə Reuters xəbər agentliyi məlumat yayıb.

Agentlik adı açıqlanmayan dörd şəxsə istinad edərək bildirib ki, USAID-in bəzi əməkdaşları artıq işdən çıxarıldıqları barədə bildirişlər alıblar.

Bundan əvvəl “ABC” telekanalı məlumat verib ki, ABŞ Dövlət Departamenti USAID-in bütün əməkdaşlarını fevralın 8-dək xaricdəki missiyalardan geri qaytarmağı planlaşdırır.

“Politico” qəzeti isə bildirib ki, Amerika administrasiyası agentliyin Vaşinqtondakı qərargahının demək olar ki, bütün əməkdaşlarını məzuniyyətə göndərmək niyyətindədir.

Oxşar xəbərlər

USAID-in 50-dən çox dövlət qulluqçusu inzibati məzuniyyətə göndərilib

USAID-in Vaşinqtondakı baş qərargahı bağlanıb

Dövlət Departamenti: USAID-in maliyyələşməsinin əksər hissəsi ABŞ-nin maraqlarına cavab vermir

Tramp administrasiyası 60-a yaxın USAID rəsmisini məzuniyyətə göndərib

Marko Rubio USAID-in administratoru vəzifəsini icra edəcək