İsrail hərbçiləri gecə saatlarında “Hizbullah” təşkilatının Livandakı silahlı qanadının hədəflərinə yeni silsilə hücumlar həyata keçirib.

“Report” xəbər verir ki, bu barədə İsrail Müdafiə Qüvvələrinin mətbuat xidməti məlumat yayıb.

Bildirilib ki, gecə saatlarında Livan tərəfdən İsrailin şimalındakı Har Dov dağı istiqamətində tank əleyhinə raketlərin iki buraxılışı qeydə alınıb. Buna cavab olaraq İsrail ordusunun tankları və artilleriyası hücumların mənbələrinə atəş açıb. Bundan başqa, İsrail hərbçiləri Livanın cənubundakı Şabaa yüksəkliklərində buraxılış qurğusuna hücum edib.

Eyni zamanda, mətbuat xidməti diqqətə çatdırıb ki, bir müddət əvvəl İsrail Hərbi Hava Qüvvələrinin qırıcıları Kfar-Şuba təpələrində “Hizbullah”ın infrastruktur obyektlərinə və Livanın cənubundakı Markaba kəndi yaxınlığındakı bu təşkilatın hərbi infrastrukturuna hücum ediblər.

Oxşar xəbərlər

İsrail ordusu Livanın cənubunda "Hizbullah"ın hərbi obyektlərinə zərbələr endirib

İsrail PUA-ların buraxılmasına cavab olaraq Livana zərbələr endirib

İsrail ordusu: Livandan ölkəyə raketlər və zərbə PUA-ları buraxılıb

İsrail ordusu Livan ərazisinə cavab zərbələri endirib

İsrail ordusu Livan ərazisinə zərbələr endirir