Çin Xalq Azadlıq Ordusu “Sülh - 2025” çoxtərəfli hərbi təlimlərində iştirak etmək üçün Pakistana iki gəmi göndərəcək.

“Report” xarici KİV-ə istinadən xəbər verir ki, bu barədə Çin Xalq Respublikasının Müdafiə Nazirliyi məlumat yayıb.

Hərbi idarənin “WeChat” sosial şəbəkəsindəki səhifəsində qeyd edilib ki, Pakistan Silahlı Qüvvələrinin dəvətinə cavab olaraq Pekin fevralın birinci yarısında “Baotou” esminesini və “Qaoyuhu” gəmisini göndərəcək. Qarşıdakı manevrlərə dəniz təchizatı və piratlarla mübarizə kimi əməliyyatlar daxil olacaq.

Bundan əlavə, hava hücumundan müdafiə sahəsində axtarış-xilasetmə missiyaları və əlaqələndirilmiş hərəkətlərin təlimi planlaşdırılır. Qeyd olunur ki, tədbirlərin əsas məqsədi dəniz təhlükəsizliyinin birgə təmin edilməsi üzrə bacarıqların təkmilləşdirilməsidir.

Oxşar xəbərlər

Çin ordusu Filippinə xəbərdarlıq edib

ABŞ MN Çinin Hərbi Dəniz Qüvvələrinin dünyanın ən böyüyü olduğunu bildirib

Niderland Qırmızı dənizə freqat göndərəcək

İspaniya Ukraynaya zenit müdafiə batareyası göndərəcək

Litva Hərbi Dəniz Qüvvələri üçün axtarış-xilasetmə gəmisi inşa ediləcək