ABŞ bəzi Çin banklarını qlobal maliyyə sistemindən kənarlaşdıra biləcək sanksiyalar hazırlayır.

“Sizinxeber.az” xəbər verir ki, bu barədə “The Wall Street Journal” (WSJ) mənbələrə istinadən məlumat yayıb.

Bildirilib ki, ABŞ ümid edir ki, bu, Pekini Rusiya hərbi sənayesinə dəstəyini dayandırmağa vadar edəcək.

Qeyd olunub ki, Çin tərəfinin köməyi Moskvaya hərbi-sənaye potensialını bərpa etməyə imkan verib, çünki Pekin Rusiyaya elektron sxemlərin, təyyarə hissələrinin, avtomobillərin və dəzgahların əsas tədarükçüsünə çevrilib. Bankların Rusiya Federasiyasına kommersiya ixracında, ödənişləri emal etməkdə və müştəri şirkətlərə ticarət krediti verməkdə əsas vasitəçi kimi xidmət etdikləri bildirilir.

Nəşrin məlumatına görə, ABŞ rəsmiləri son həftələrdə şəxsi görüşlərdə və telefon danışıqlarında Pekinə təzyiqləri artıraraq, Vaşinqtonun ikili təyinatlı malların ticarəti ilə məşğul olan Çin maliyyə qurumlarına qarşı tədbir görməyə hazır olduğu barədə xəbərdarlıq ediblər.

Xatırladaq ki, aprelin 24-də ABŞ Dövlət katibi Antoni Blinken Çinə üç günlük səfərə gedəcək.

Oxşar xəbərlər

ABŞ Rusiyaya qarşı sanksiyaları pozduğuna görə bankları hədələyib

Britaniya iki türk ölkəsinə sanksiya tətbiq etdi

ABŞ Rusiya ilə əməkdaşlığa görə İrana qarşı yeni sanksiyalar tətbiq etdiyini açıqlayıb

Avropa İttifaqı Rusiyaya qarşı 12-ci sanksiyalar paketini təsdiqləyib

ABŞ SEPAH və husilərə qarşı yeni sanksiyalar tətbiq etdi