Slovakiya parlamentinin sədri, “Səs – Sosial Demokratiya” partiyasının rəhbəri Peter Pelleqrini ölkənin yeni prezidenti seçilib.

“Sizinxeber.az” xəbər verir ki, bu barədə Slovakiya televiziyası məlumat yayıb.

Hazırda səslərin 99%-i hesablanıb. Nəticəyə əsasən Pelleqrini 53,55%, onun rəqibi, ölkənin keçmiş xarici işlər naziri İvan Korçok isə 46,44% səs toplayıb.

Korçok artıq məğlubiyyətini etiraf edərək bildirib ki, seçkilər şəffaf keçməyib, ona görə də onların nəticələrindən məyus olub.

Keçmiş xarici işlər naziri Korçok Ukraynaya hərbi yardımın artırılmasının tərəfdarı olsa da, Pelleqrini Kiyevə silah tədarükünü dəstəkləmir.

Slovakiya rəhbərinin səlahiyyət müddəti beş ildir. Ölkə Konstitusiyasına uyğun olaraq, eyni şəxs ardıcıl iki müddətdən çox olmayaraq prezident vəzifəsinə seçilə bilər.

Martın 23-də keçirilən birinci turda namizədlərdən heç biri qalib gəlmək üçün zəruri olan mütləq səs çoxluğunu toplaya bilməyib. Səslərin 100%-i hesablandıqdan sonra Korçok 42,44 faizlə birinci, Pelleqrini 37,07 faizlə ikinci yeri tutub. Yarışda 11,79% səslə keçmiş ədliyyə naziri Stefan Harabin üçüncü olub.

Oxşar xəbərlər

Slovakiya parlamentinin sədri prezidentliyə namizəd olmaq niyyətindədir [xfgiven_updateblue][/xfgiven_updateblue]

Slovakiyada Avropa Parlamentinə deputat seçkiləri iyunun 8-nə təyin edilib [xfgiven_updateblue][/xfgiven_updateblue]

Baş nazir: “Slovakiya Rusiyanın daşınmaz əmlakını dondurmaq niyyətində deyil” [xfgiven_updateblue][/xfgiven_updateblue]

Aleksandr Stubb Finlandiyanın yeni prezidenti olub - YENİLƏNİB [xfgiven_updateblue][/xfgiven_updateblue]

Slovakiya polisi insanları "Praqadakı" kimi güllələyəcəyi ilə hədələyən şəxsi saxlayıb [xfgiven_updateblue][/xfgiven_updateblue]