“Kiyev ABŞ-da seçki prosesinin girovuna çevrilib”.

“Sizinxeber.az” xəbər verir ki, bu barədə Ukrayna prezidenti Volodimir Zelenski deyib.

Onun sözlərinə görə, Ukraynaya dəstək məsələsi ABŞ üçün daxili siyasi məsələyə çevrilib:

“Amerika yardımına gəlincə, bu, istənilən halda mühüm əhəmiyyət kəsb edir. Mən hələ də ABŞ Konqresindən müsbət səs ala biləcəyimizə inanıram. Təəssüf ki, biz girovdayıq, çünki bu, seçki prosesidir, bunlar ABŞ-da seçkilərdir. Buna baxmayaraq, inanıram, işləyirəm və ümid edirəm ki, o şurlu düşüncə yenə də qalib gələcək”.

Zelenski bildirib ki, yardımın ayrılması üçün müxtəlif variantlar nəzərdən keçirilir, o cümlədən yardımın Kiyevə kredit formasında təqdim edilməsi:

“Bilirsiniz, bu yaxınlarda bir senator mənə dedi: “Pulu kredit kimi almağa razılaşarsınızmı? Məsələn, sizə desələr ki, ya pul kreditdir, ya da almayacaqsan”. Cavab verdim: “Gəlin açıq danışaq, istənilən variantla razılaşacağıq”.

Oxşar xəbərlər

Fransanın yüzlərlə AASM bombası sifariş etmək planları məlum olub

İsveçrə Prezidenti: “Kiyev sülh konfransı təşkil etməyi xahiş edib”

Blinken və Sallivan Zelenski ilə Ukraynanın bərpasını müzakirə edib

Zelenski: Bəzi dövlətlər Ukraynaya xəyanət edib

Blinken Zelenski ilə görüşüb, Ukraynaya dəstəyin davamlı olacağını bildirib