Çexiyanın Rudolfov şəhərində müəllim ona silah tuşlamış şagirdin hücumunun qarşısını ala bilib.

“Sizinxeber.az” xəbər verir ki, bu barədə “Ceske noviny” nəşri məlumat yayıb.

Hadisə bazar ertəsi, yanvarın 20-də Çexiyanın cənubundakı Rudolfova adına orta məktəbdə baş verib. Cənubi Çexiya vilayətinin başçısı Martin Kubanın sözlərinə görə, hücum edən şəxsdə tapançadan əlavə bıçaq və kiçik balta da tapılıb.

Müəllim hədə-qorxuya cəld reaksiya verib və şagirdin atəş açmasına mane olaraq, onu zərərsizləşdirib. Hadisə iştirakçılarından heç biri xəsarət almayıb. Kuba qeyd edib ki, şagird əvvəlcə sinifi tərk edib, lakin tezliklə silahla geri dönüb, atəş açmaq niyyətində olub.

Müəllimə hədə-qorxu gələn şagird sonra polis tərəfindən saxlanılıb. Hüquq-mühafizə orqanları şagirdin tapançadan başqa hər hansı silahının olması ilə bağlı məlumatı hələ təsdiqləməyib, çünki istintaq davam edir. Polisin təmsilçisi İrji Matçner vəziyyəti şərh etməyib. O, təfərrüatların istintaq tamamlandıqdan sonra açıqlanacağını vurğulayıb.

Oxşar xəbərlər

Goranboyda şagirdin həmkəndlisinə xəsarət yetirməsi məktəbdənkənar ərazidə baş verib - YENİLƏNİB

ABŞ-də məktəbdə atışma: müəllim və yeniyetmə öldürülüb

Çexiyada universitetdəki atışmada 15 nəfər ölüb, xəsarət alanlar var - YENİLƏNİB-2

Yeniyetmələrin biabırçı davranışına direktordan MÜNASİBƏT: “Şagird dedi, zarafatla etmişəm” - VİDEO

Gəncədə X sinif şagirdi məktəbliyə xəsarət yetirib