ABŞ-nin seçilmiş prezidenti Donald Tramp andiçmə günü “TikTok” sosial şəbəkəsinin qadağan edilməsini təxirə salan fərman imzalamağı planlaşdırdığını açıqlayıb.

“Sizinxeber.az” xəbər verir ki, bu barədə siyasətçi sahibi olduğu “Truth Social” sosial şəbəkəsində yazıb.

“Mən şirkətlərdən “TikTok”un bağlanmasına yol verməməyi xahiş edirəm. Bazar ertəsi qanunverici qadağanın qüvvəyə minməsindən əvvəlki dövrü uzatmaq üçün fərman imzalayacağam. Bu, milli təhlükəsizlik maraqlarımızın qorunması üçün razılığa gəlməyə imkan verəcək”, – o yazıb.

Seçilmiş prezident əlavə edib ki, birgə biznes çərçivəsində ABŞ-nin sosial şəbəkənin 50 %-nə “sahib olmasını” istərdi.

“Beləliklə, biz “TikTok”u xilas edəcək, onu etibarlı əllərdə saxlayacaq və səs sahibi olmağa imkan verəcəyik”, – Tramp qeyd edib.

Oxşar xəbərlər

ABŞ-nin yeni prezidenti ölkədə “TikTok”un bloklanmasının tərəfdarı deyil

“TikTok” ABŞ-dəki fəaliyyətini bərpa edir

Britaniya “TikTok” sosial şəbəkəsinə qadağa qoymayacaq

Tramp Ali Məhkəməni ABŞ-də TikTok qadağasını təxirə salmağa çağırıb

ABŞ Ali Məhkəməsi milli təhlükəsizlik təhdidi ilə əlaqədar "TikTok" qadağasını təsdiqləyib