Konqresindəki respublikaçılar ABŞ-nin yeni seçilmiş prezidenti Donald Trampa vəzifəyə gəldikdən dərhal sonra Qrenlandiyanın alınması ilə bağlı danışıqlara başlamağa icazə verən qanun layihəsi hazırlayıblar.

“Sizinxeber.az” xəbər verir ki, bu barədə sənədin surətini əldə edən “Reuters” agentliyi məlumat yayıb.

Qanun layihəsi Trampın əsas siyasi şüarı olan “Amerikanı yenidən möhtəşəm et” ilə analoji olaraq “Qrenlandiyanı yenidən böyük et” aktı adlandırılıb. Sənəd Nümayəndələr Palatasının üzvləri Endi Oqls və Diana Harşbarger tərəfindən hazırlanıb və yanvarın 13-də səhər saatlarına olan məlumata görə, sənəd 10 qanunvericinin dəstəyinə malik olub.

Qanun layihəsində Trampın yanvarın 20-də vəzifəyə başladıqdan dərhal sonra ABŞ-nin Qrenlandiyanı əldə etməsi üçün Danimarka Krallığı ilə danışıqlara başlamasına icazə verən müddəa var.

Bundan əlavə, Tramp Danimarka ilə razılığa gələrsə, o, razılaşmanı, eləcə də bütün müşayiət olunan materialları və əlavələri 5 gün ərzində Konqresin müvafiq komitələrinə təqdim etməli olacaq.

Oxşar xəbərlər

Trampın Qrenlandiyanı almaq niyyəti ciddidir

Konqres Trampın and içməsindən əvvəl sərhədlə bağlı qanun qəbul edəcək

ABŞ-də bu həftə İsrailə yardım haqqında qanun layihəsinə baxılacaq

"Beynəlxalq müqavilələr haqqında" yeni qanun layihəsi hazırlanıb

Danimarka parlamenti Fələstinin dövlət kimi tanınmasının əleyhinə səs verib