Böyük Britaniya 2025-ci ildə Ukraynaya əlavə çoxmilyonluq hərbi yardım paketi göndərəcək.

“Sizinxeber.az” xəbər verir ki, bu barədə “Daily Mail” qəzeti Kiyevə səfər edən Britaniyanın müdafiə naziri Con Hiliyə istinadən yazıb.

Nazirin sözlərinə görə, söhbət “225 milyon funt sterlinq (təxminən 284 milyon dollar) məbləğində yeni paketdən” gedir.

Nəşr qeyd edib ki, ukraynalı həmkarı Rustem Umerovla görüşən Hili bildirib ki, London Kiyevə daha çox hava hücumundan müdafiə və elektron mübarizə vasitələri, həmçinin pilotsuz uçuş aparatları və ölkənin hərbi-dəniz qüvvələri üçün döyüş sursatı tədarük edəcək.

Elan edilmiş paket çərçivəsində Böyük Britaniya həmçinin “təlim təklifini genişləndirməyi” planlaşdırır.

Nəşrə görə, Britaniya naziri Ukraynanın dəstəklənməsinin prioritet istiqamətləri arasında “onun əsgərlərinin Britaniya hərbçiləri tərəfindən təlimi və sənaye əməkdaşlığının genişləndirilməsini” qeyd edib.

Oxşar xəbərlər

Britaniya Ukraynaya Beynəlxalq Yardım Fonduna 1,3 milyard dollardan çox vəsait toplayıb [xfgiven_updateblue][/xfgiven_updateblue]

Britaniya Ukrayna üçün dronların alınmasına 9,5 milyon dollar ayıracaq [xfgiven_updateblue][/xfgiven_updateblue]

Britaniya Ukraynaya daha 650 çoxməqsədli “Martlet” raketi verəcək [xfgiven_updateblue][/xfgiven_updateblue]

Britaniya Ukraynaya 780 milyon dollarlıq yeni yardım paketi ayırır [xfgiven_updateblue][/xfgiven_updateblue]

Britaniya müdafiəyə əlavə 3,7 milyard dollar ayıracaq [xfgiven_updateblue][/xfgiven_updateblue]