ABŞ-nin seçilmiş prezidenti Donald Tramp dollardan imtina etmək istəyən BRICS üzvlərinə meydan oxuyub.

“Report” xəbər verir ki, bu barədə siyasətçi sahibi olduğu “Truth Social” sosial şəbəkəsində yazıb

“BRICS ölkələrinin biz kənardan baxarkən dollardan uzaqlaşmağa çalışması fikri bitdi. Bu ölkələrdən tələb edirik ki, ya yeni BRICS valyutası yaratmayacaqlarına, ya da güclü ABŞ dollarını əvəz etmək üçün hər hansı başqa valyutanı dəstəkləməyəcəklərinə dair öhdəlik götürsünlər, əks halda 100 % gömrük rüsumları ilə üzləşəcəklər və gözəl ABŞ iqtisadiyyatına satışla vidalaşmalı olacaqlar. Başqa “hərif” tapa bilərlər!”, – o qeyd edib.

Respublikaçının fikrincə, təşkilatın “beynəlxalq ticarətdə ABŞ dollarını əvəz etməsi ehtimalı yoxdur”. Onun sözlərinə görə, bunu etmək istəyəcək “hər bir ölkə Amerika ilə vidalaşmalıdır”.

Oxşar xəbərlər

Trampın müşavirləri dollardan uzaqlaşan ölkələrə qarşı sanksiyaları müzakirə edirlər

Laos Prezidenti: Ölkəmiz BRICS-in tamhüquqlu üzvü olmaq istəyir

Əfqanıstan BRICS sammitində iştirak edə bilər

Pezeşkian: BMT TŞ effektivliyini itirib, BRICS isə öz nüfuzunu artırıb

Tramp maliyyə naziri vəzifəsinə investor Bessenti təklif edib