ABŞ-nin Texas ştatının ən böyük şəhəri Hyustonda kilsədə atəş açılması nəticəsində bir nəfər ölüb, iki nəfər yaralanıb.

“Report” “ABC13 Houston”a istinadən xəbər verir ki, olay ibadət zamanı baş verib.

Telekanalın məlumatına görə, təqribən 30 yaşlı qadın kilsəyə daxil olan kimi atəş açmağa başlayıb. Şübhəli şəxs plaşda, bel çantası ilə olub, eyni zamanda qadın binaya yaşı təxminən dörd-beş olan uşaqla birgə girib. Növbədə olmayan iki polis zabiti qadını zərərsizləşdirib. İnsident sonucunda qadının yanındakı uşaq da yaralanıb. Habelə insidentlə əlaqəsi olmayan 57 yaşlı kişi xəsarət alıb.

Şübhəli şəxs yıxılarkən bomba partladacağı ilə təhdid etsə də, sonradan onun üzərində heç bir partlayıcı maddə aşkarlanmayıb.

Oxşar xəbərlər

Binəqədi rayonunda baş verən yanğında altı nəfər xəsarət alıb

Manisada ağır yol qəzası olub, ölənlər və yaralananlar var

19 yaşlı hamilə qadını bıçaqlayan şəxs SAXLANILDI

Rusiyada ağır yol-nəqliyyat hadisəsində 4 nəfər ölüb, 16 nəfər yaralanıb

Çexiyada universitetdəki atışmada 15 nəfər ölüb, xəsarət alanlar var - YENİLƏNİB-2