Pakistanın Hayber-Paxtunxva əyalətində terrorçu-kamikadzenin hücumu nəticəsində ən azı 4 nəfər ölüb, 15 nəfər yaralanıb.

“Sizinxeber.az” TASS-a istinadən xəbər verir ki, bu barədə “Dawn” qəzeti məlumat yayıb.

Hadisə bazar ertəsi səhər Şimali Vəziristan vilayətində yerləşən Razmak yaşayış məntəqəsi yaxınlığında baş verib. Hücum edənin hədəfində bölgədə fəaliyyət göstərən terror qruplaşmalarından birinin əvvəllər Pakistan hakimiyyətinə təslim olmuş keçmiş səhra komandiri olub.

Kamikadze içərisində keçmiş səhra komandirinin olduğu avtomobilə hücum edib. Partlayış nəticəsində 4 nəfər ölüb, 15 nəfər yaralanıb.

Yaralılar yaxınlıqdakı tibb müəssisələrinə yerləşdiriliblər.

Oxşar xəbərlər

Pakistanda silahlıların hücumları nəticəsində ölənlərin sayı 70-i ötüb

Pakistanın Bəlucistan əyalətində 20-dən çox terrorçu zərərsizləşdirilib