Polşanın LOT aviaşirkətinin Varşavadan Nyu-Yorkdan 24 km aralıda yerləşən “Newark Liberty” Beynəlxalq Hava Limanına uçan təyyarəsi göyərtəsində bomba olması barədə yalan xəbərə görə Polşa paytaxtına qayıtmağa məcbur olub. Hadisə nəticəsində 8 nəfər saxlanılıb.

"Sizinxeber.az"un xəbərinə görə, bu barədə aviadaşıyıcının mətbuat xidməti PAP agentliyinə və Varşava polisinə məlumat verib.

Qeyd edilir ki, Varşavadan ABŞ-yə LO11 reysini həyata keçirən təyyarənin göyərtəsində potensial təhlükə barədə siqnal aldıqdan sonra kapitan prosedura uyğun olaraq Varşavaya qayıtmaq qərarına gəlib. Polşa paytaxtına eniş etdikdən sonra bütün sərnişinlər təyyarədən təxliyə edilib, uçuş isə təxirə salınıb.

Hadisə ilə bağlı aparılan araşdırmalar nəticəsində polis 23-60 yaşlarında olan 8 nəfəri saxlayıb, onlara “təyyarədə bombanın olması barədə yalan xəbərdarlıq” ittihamı irəli sürülüb.

Oxşar xəbərlər

İstanbuldan Lahora uçan təyyarə Bakı hava limanına təcili eniş edib

Nepalda təyyarə qəzasında ölənlərin sayı 18 nəfərə çatıb - YENİLƏNİB-2

Keniyada təyyarələr toqquşub, ölənlər və yaralananlar var

KİV: Nepalda qəzaya uğrayan təyyarədə texniki heyət olub - YENİLƏNİB

Özbəkistana məxsus təyyarə Bakıya təcili eniş edib