İran Fələstinin radikal HƏMAS hərəkatının Siyasi Bürosunun rəhbəri İsmayıl Haniyənin Tehranda öldürülməsinə cavab olaraq yaxın günlərdə İsrailə qarşı kütləvi hücum qərarına yenidən baxa bilər.

“Report” xəbər verir ki, bu barədə “Politico” qəzeti amerikalı rəsmilərə istinadən məlumat yayıb.

Belə ki, Amerika Birləşmiş Ştatlar hələ də Haniyənin öldürülməsinə İrandan hansısa cavab gözləyir, lakin Tehranın ilkin cavab planına yenidən baxdığından, tezliklə İsrailə hücum edəcəyinə inanmır.

ABŞ administrasiyasının iki yüksək rütbəli rəsmisi bildirib ki, Vaşinqton Tehrana irimiqyaslı zərbənin yalnız gərginliyi artıracağı və tərəflər arasında birbaşa qarşıdurma riski yaradacağı barədə xəbərdarlıq edib.

Amerika həmçinin İranı Haniyənin ölümünə reaksiyasını yenidən nəzərdən keçirməyə və bunu daha geniş əməliyyatın bir hissəsi hesab etməməyə çağırıb. Rəsmilərin fikrincə, İran əvvəlcə rədd etsə də, Amerika tərəfinin nöqteyi-nəzəri ilə getdikcə daha çox razılaşır.

Oxşar xəbərlər

“Politico”: İran İsrailə genişmiqyaslı hücum etməkdən imtina edə bilər

KİV: ABŞ İran və “Hizbullah”ın avqustun 8-9-da İsrailə hücum edəcəyini gözləyir

Blinken İranın 24 saat ərzində İsrailə hücum edə biləcəyini bəyan edib

NYT: Xamenei İrana İsrailə birbaşa zərbələr endirmək əmri verib

NYT: Xamneyi Haniyənin öldürülməsinə cavab olaraq İsrailə zərbə endirmək əmri verib