İraqın qərbindəki Ənbar əyalətindəki Ayn əl-Əsəd aviabazasına hücum nəticəsində 7 hərbçi yaralanıb, onların hamısının vəziyyəti sabitdir.

“Sizinxeber.az” xəbər verir ki, bu barədə ABŞ hərbi rəsmisi məlumat yayıb.

O, avqustun 5-də axşam iki raketin aviabazaya düşdüyünü, nəticədə beş amerikalı hərbçinin, eləcə də iki podratçının yaralandığını vurğulayıb. Hərbçilərə aviabazada tibbi yardım göstərilir, qalan iki nəfər təxliyə edilib.

Bundan əvvəl ABŞ-nin müdafiə naziri Lloyd Ostin və israilli həmkarı Yoav Qalant İraqda Amerika hərbçilərinin yerləşdiyi aviabazaya hücumu “təhlükəli eskalasiya” adlandırıblar.

Fələstin-İsrail münaqişəsinin daha da kəskinləşməsi başlayandan bəri İraqdakı Amerika bazaları, eləcə də Suriyadakı Amerika hərbçiləri müntəzəm olaraq atəşə tutulub. Hücumlara görə məsuliyyəti İraqda fəaliyyət göstərən silahlı qruplaşmalar üzərinə götürüb.

Oxşar xəbərlər

Pentaqon ABŞ hərbçilərinin İraqda yaralanmasını təsdiqləyib

ABŞ-ın Suriyadakı bazalarına hücum edildi: itkilər var

ABŞ-nin zərbələri nəticəsində İraqın güc strukturlarının azı 10 əməkdaşı yaralanıb - YENİLƏNİB

KİV: Pentaqon yaxın günlərdə Yaxın Şərqdəki qüvvələrə qarşı yeni hücumlar gözləyir

İraqda ABŞ hərbçilərinin yerləşdiyi aviabaza raket atəşinə tutulub