AP: Çin “Starlink” peyklərinin məhv edilməsi yollarını araşdır

Çin alimləri amerikalı iş adamı İlon Maskın Starlink peykləri ilə mübarizə aparmaq üçün strategiyalar hazırlayırlar.

“Sizinxeber.az” xəbər verir ki, bu barədə “Associated Press” məlumat yayıb.

Nəşr qeyd edib ki, Çin tərəfi peyklərlə mübarizə aparmaq üçün kosmik lazerlərə malik gizli sualtı qayıqlar, tədarük zəncirinin təxribatı və ionla işləyən zərbə peyklərini nəzərdən keçirir.

Çin hökuməti və hərbi elm adamları artıq jurnallarda Starlink peyklərinin aşkarlanması və məhv edilməsi yollarını araşdıran onlarla məqalə dərc ediblər. Çin tədqiqatçılarının fikrincə, kosmik gəmi Çin hökuməti və onun strateji maraqları üçün yüksək risk yaradır.

Narahatlıqlar “Starlink”in kəşfiyyat və ABŞ Müdafiə Nazirliyi ilə əlaqələri, eləcə də qlobal varlığının artması ilə bağlıdır.