ABŞ-nin gecə İranın nüvə obyektlərinə endirdiyi zərbə İsrailin Müdafiə Ordusu ilə razılaşdırılıb.

“Report” “The Times of Israel”ə idtinadən xəbər verir ki, bu barədə İsrail Ordusunun nümayəndəsi, briqada generalı Efi Defrin bildirib.

Onun sözlərinə görə, İsrail Ordusunun baş qərargah rəisi, general-leytenant Eyal Zamir İranla müharibə başlayandan bəri amerikalı həmkarları ilə əlaqə saxlayır və koordinasiya son vaxtlar daha da yaxınlaşıb.

"Bizim planımız, hədəflərimiz var və bu məqsədlərə nail olmaq üçün daim çalışırıq. Məqsədlərə çatana qədər fəaliyyətimizə davam edəcəyik", - Defrin mətbuat konfransında deyib.

Bundan əvvəl ABŞ Prezidenti Donald Tramp bildirib ki, ölkənin Hərbi Hava Qüvvələri İranda Fordo, Natanz və İsfahan da daxil olmaqla üç nüvə obyektinə uğurla hücum edib. İran tərəfi zərbələri təsdiqləyib, eyni zamanda Tehranın nüvə sənayesini inkişaf etdirməyə davam edəcəyini vurğulayıb.

Oxşar xəbərlər

İsrailin İrana hücumunun birinci mərhələsi başa çatıb

İsrail Ordusu: Hava hücumları başlayandan İranın 20-dən çox komandanı zərərsizləşdirilib

İsrail Müdafiə Ordusu: İranın strateji obyektlərinə hücumlar davam edir

İsrail Müdafiə Ordusu: "Tehran artıq qorunmur, şəhər İsrail zərbələrinə qarşı müdafiəsizdir"

ABŞ Prezidenti İrana hücumdan sonra xalqa müraciət edib