ABŞ Hərbi Dəniz Qüvvələrinə məxsus F/A-18 qırıcısı Qırmızı dəniz üzərində vurulub.

APA xəbər verir ki, bu barədə Associated Press məlumat yayıb.

Məlumata görə, ABŞ Hərbi Dəniz Qüvvələrinə məxsus F/A-18 iki yerlik qırıcısı Amerika raket kreyserinin hava hücumundan müdafiə sistemi tərəfindən səhvən vurulub.

"USS Gettysburg raket kreyseri, Hərbi Dəniz Qüvvələrinə məxsus qırıcıya (F/A-18-ə), səhvən atəş açıb və onu vurub” – agentlik bu barədə ABŞ Mərkəzi Komandanlığının bəyanatına istinadən xəbər verir.

Komandanlığın bildirdiyinə görə, pilotlar suya atılıb. Onlar xilas edilib, yalnız biri yüngül xəsarət alıb.

Agentlik qeyd edir ki, qırıcı ABŞ-ın Yəmən husilərinin hədəflərinə endirdiyi zərbələr zamanı vurulub.

Oxşar xəbərlər

ABŞ Qırmızı dənizdə səhvən öz qırıcısını vurub

ABŞ Yəməndə husilərin komandanlıq məntəqələrinə hücum etdiyini təsdiqləyib

İsrail ordusu Livanla sərhəddə Suriyanın hərbi infrastrukturuna zərbələr endirib

Rusiya ötən gecə Ukraynaya məxsus 28 PUA vurub

MN: Ötən gecə Rusiya səmasında Ukraynaya məxsus 117 PUA, 4 raket məhv edilib