ABŞ Rusiyaya qarşı hərbi əməliyyatlar aparmaq üçün Ukraynanın hazırkı hakim rejimini kəşfiyyat məlumatları ilə təmin etməyə davam etmək niyyətindədir.

APA xəbər verir ki, bunu jurnalistlər üçün keçirdiyi növbəti brifinqdə Dövlət Departamentinin mətbuat xidmətinin rəhbəri Metyu Miller bildirib.

Amerikalı diplomat ABŞ ordusunun hərbi mütəxəssislərinin Ukraynadan Rusiya ərazisinə ATACMS taktiki ballistik raketlərinin buraxılmasında iştirak edib-etməməsinə aydınlıq gətirməkdən imtina edərək belə deyib:

“Mən bu barədə danışmayacağam. Amma ABŞ Ukrayna ilə kəşfiyyat məlumatlarını paylaşıbmı? Təbii ki, biz bunu etmişik. Biz kəşfiyyat məlumatlarının Ukraynanın döyüş meydanındakı fəaliyyətini yaxşılaşdıracağına inanaraq paylaşdıqmı? Təbii ki, biz bunu etməyi davam etdirəcəyik”, - deyə Dövlət Departamentinin sözçüsü əlavə edib.

Oxşar xəbərlər

KİV: Rusiya ordusunun 5000 nəfərədək şəxsi heyəti Ukraynadan çıxarılıb

Aİ müttəfiqləri İranın Rusiyaya ballistik raketlər verməsi ilə bağlı kəşfiyyat məlumatlarını paylaşıblar

Miller: ABŞ Bakı və İrəvan arasında sülh müqaviləsinin əldə olunması üçün fəaliyyətini davam etdirir

Metyu Miller: ABŞ Qəzzada atəşkəslə bağlı Dohada keçirilən məsləhətləşmələri konstruktiv hesab edir

ABŞ İranı eskalasiyadan əl çəkməyə inandırmağa çalışır