Yeddilik Qrupu (G7) ölkələri Rusiyanın Qərbdə dondurulmuş aktivlərindən istifadə etməklə Ukraynaya 50 milyard dollar kreditin verilməsi üzrə işləri oktyabr ayına qədər başa çatdıra bilər.

Sizinxeber.az xəbər verir ki, bu barədə ABŞ-ın maliyyə naziri Canet Yellen “Reuters” agentliyinə müsahibəsində bildirib.

İyirmilik (G20) ölkələrinin maliyyə departamentləri və mərkəzi banklarının rəhbərlərinin Rio-de-Janeyroda keçirilən görüşü çərçivəsində Yellen G7 həmkarları ilə Rusiyanın dondurulmuş aktivləri, o cümlədən Ukraynanın xeyrinə istifadəsi ilə bağlı danışıqlar aparıb.

Yellen, həmçinin vurğulayıb ki, ABŞ Avropadan Rusiya aktivlərinin uzun müddət dondurulmuş qalacağına dair zəmanət axtarır ki, onlardan əldə edilən gəlir sülh razılaşması əldə olunana qədər krediti ödəməyə kifayət etsin və müharibə nəticəsində Ukraynaya dəymiş zərəri kompensasiya edə bilsin.

Qeyd edək ki, G7 liderləri iyunun 13-də İtaliyada keçirilən sammitdə Rusiyanın dondurulmuş suveren aktivlərindən əldə edilən gəlirdən 2024-cü ilin sonuna qədər Ukraynaya 50 milyard dollar ayrılması barədə razılığa gəliblər.

Rusiyanın Ukraynada əməliyyatlara başlamasından sonra Avropa İttifaqı, Kanada, ABŞ və Yaponiya Rusiyanın təxminən 300 milyard dollarlıq aktivlərini dondurub.

Oxşar xəbərlər

Aİ Rusiyanın dondurulmuş aktivlərindən 1.5 milyard avronu Ukrayna üçün ayırıb

Aİ iyulun 1-dək Rusiya aktivlərindən Ukraynaya vəsait köçürüləcəyinə ümid edir

G7 dondurulmuş Rusiya aktivlərinin istifadəsi ilə bağlı hələ qərar verməyib

Səudiyyə Ərəbistanında nüvə beşliyi ölkələrinin işçi görüşü keçirilib

Borrell: Rusiya aktivlərindən əldə olunan gəlirdən Kiyevə yardımın ilk tranşı avqustda baş tutacaq