Donald Tramp yenidən ABŞ-nin prezidenti seçilərsə, Ukraynaya 500 milyard dollar həcmində yardım edəcək.

APA-nın xəbərinə görə, bu barədə ABŞ-nin keçmiş dövlət katibi Mayk Pompeo “Wall Street Journal”da dərc olunan məqaləsində yazıb.

“Trampın Sülh Planı” adlı yazıda göstərilir ki, yaranmış böhranın həlli üçün müharibə dondurulmalı, Ukrayna hərbi cəhətdən daha da gücləndirilməlidir.

M. Pompeo daha sonra NATO-nun da adı çəkilən ölkəyə 100 milyard dollar həcmində vəsait ayırmasının vacibliyinə toxunub.

O yazıb ki, rəsmi Kiyevə məhdudiyyətsiz sayda silah-sursat verilməli, Ukrayna mütləq şəkildə Avropa İttifaqına qəbul edilməlidir.

Keçmiş dövlət katibi Avrozona ölkələrinin etibarlı müdafiəsi üçün hərbi xərclərin ümumdaxili məhsulun 3 faizi həcmində müəyyənləşdirilməsi, Rusiyaya əlavə sanksiyaların tətbiqi, habelə Krımın hərbsizləşdirilməsinin vacibliyini önə çəkib.

M. Pompeonun qənaətincə sanksiyalar yalnız Rusiya qarşıya qoyulan tələbləri yerinə yetirdiyi halda aradan qaldırılmalıdır.

Oxşar xəbərlər

Fransa Ukraynaya 150 PUA və altı "Caesar" haubitsası göndərməyi planlaşdırır

ABŞ Ukraynaya əlavə 2 milyard dollarlıq hərbi yardım göndərəcək

Aİ iyulun 1-dək Rusiya aktivlərindən Ukraynaya vəsait köçürüləcəyinə ümid edir

ABŞ Ukraynaya 300 milyon dollarlıq yeni hərbi yardım paketi göndərir

Blinken: “İsveç tezliklə NATO-ya üzv olacaq”