Azərbaycanın Türkiyədəki yeni hərbi attaşesi Yaşar Gülərlə görüşüb

Azərbaycanın Türkiyədəki yeni hərbi attaşesi, Vətən Müharibəsi Qəhrəmanı, general-mayor Zaur Zeynalov Türkiyə müdafiə naziri Yaşar Gülərlə görüşüb

Sizinxeber.az-nın Türkiyə müxbirinin verdiyi xəbərə görə, bu barədə Azərbaycanın Türkiyədəki səfirliyi məlumat yayıb.

Qeyd olunub ki, görüşdə ölkəmizin Türkiyədəki səfiri Rəşad Məmmədov da iştirak edib.

Görüşdə Azərbaycan ilə Türkiyə arasında hərbi sahədə əməkdaşlığın hazırkı vəziyyəti müzakirə edilib, ölkələrimiz arasında strateji müttəfiqlik münasibətlərinin yüksələn xətt üzrə inkişaf etdirilməsinin vacibliyinə diqqət çəkilib və müdafiə sahəsində yeni əməkdaşlıq imkanları müzakirə edilib.