Gənclər və İdman Nazirliyi, Azərbaycan Avtomobil Federasiyası və Bakı Şəhər Halqası Əməliyyat Şirkətinin (BŞH) dəstəyi ilə Azərbaycanda ilk dəfə “Peking to Paris Motors Challenge” beynəlxalq yarışının 8-ci mərhələsi keçirilib.

"Sizinxeber.az"un məlumatına görə, Dənizkənarı Milli Parkda yerləşən “Yeddi Gözəl” fəvvarəsinin yanında baş tutan tədbirdə retro avtomobil sevənlər bir araya gəliblər.

"Peking to Paris Motors Challenge" təkcə avtomobil yarışı deyil, həm də macəra və dözümlülük sınağıdır. İştirakçılar retro avtomobillər ilə təxminən 14.000 km məsafə qət edərək dünyanın ən çətin marşrutlarından birində yarışırlar.

Otuz yeddi gün davam edəcək “Peking to Paris Motors Challenge” beynəlxalq yarışı mayın 18-də Çin Xalq Respublikasında başlamaqla Monqolustan, Qazaxıstandan keçərək Azərbaycana çatıb.

200 nəfər iştirakçının qatıldığı turnirin Fransada başa çatdırılması planlaşdırılır.

Qeyd edək ki, “Peking to Paris Motors Challenge” 1907-ci ilin ilk qabaqcıl yollarında davam edən və əsl dözümlü motor rallisidir.

Tədbir mədəniyyətimizin nümayişi və şənliklə başa çatıb.

Oxşar xəbərlər

Paris yaxınlığındakı bazarı ələ keçirməyə cəhd edən fermerlər saxlanılıb

Mariya Stadnik Paris-2024 Yay Olimpiya Oyunlarına lisenziya qazanıb

Braziliya millisi Argentinaya uduzaraq Paris Olimpiadasına vəsiqə qazana bilməyib

Rusiyada qəzaya düşən üç avtomobil yanıb, yeddi nəfər ölüb

Rəsmi Paris: Bakı və İrəvan arasında münasibətlərin tənzimlənməsinə töhfə verməyə hazırıq