Azərbaycan Şahmat Federasiyası (AŞF) yeni dəstək proqramı və milli komandaların formalaşma meyarlarını müəyyənləşdirib.

"Sizinxeber.az" xəbər verir ki, ilk dəfə olaraq İcraiyyə Komitəsi tərəfindən təsdiqlənən şahmatçıların etik davranış qaydaları açıqlanıb.

Dəstək proqramı şahmatçılara təqaüdün verilməsi və onların beynəlxalq yarışlarda iştirakına şərait yaradır.

İlk dəfə olaraq şahmatçılar beynəlxalq reytinqlərinə görə təqaüd proqramına daxil edilir. Kişi şahmatçılar üçün 2600, qadın şahmatçılar üçün isə 2300 reytinq tələbini ödəyən şahmatçılar 2025-ci ilin yanvar ayından etibarən aylıq təqaüd alacaqlar. Bunun üçün şahmatçıdan ölkə çempionatında iştirak etməsi və FİDE-nin reytinq cədvəlində “inactive” olmaması tələb olunur.

İyul ayından etibarən il ərzində minimal 25 oyun tələbi tətbiq olunaraq qüvvəyə minəcək.

Milli yığma komandaya cəlb edilən şahmatçılar isə ölkənin əsas komandasının üzvü olduqları müddətdə əlavə olaraq təqaüd alacaqlar.

Eyni zamanda yaş qrupları üzrə ölkə çempionatının qalibləri üçün də yeniliklər nəzərdə tutulub. Yeni qaydalara görə ölkə çempionu olan yeniyetmə və gənc şahmatçı dünya və Avropa çempionatında iştirak hüququ qazanacaq.

2-ci yeri tutan şahmatçı Avropa çempionatına ezam olunacaq. 3-cü yeri tutan şahmatçıya isə beynəlxalq yarış üçün maddi dəstək göstəriləcək.

Oxşar xəbərlər

FIDE oktyabr ayı üçün reytinq siyahısını tərtib edib

Şahmatın rapid və blits növləri üzrə Azərbaycan çempionatı keçiriləcək

Azərbaycan çempionu: Ən güclü qadın şahmatçı olduğumu hələ sübut etməmişəm

Şahmat Federasiyası 2025-ci ilin ölkə çempionatının mükafat fondu və reqlamentini açıqlayıb

FIDE reytinqi: Şəhriyar Məmmədyarov beş pillə irəliləyib