Bakı-Quba yolunun yaxınlığındakı sahədə yanğın olub, bir nəfər xəsarət alıb

Bakı-Quba-Rusiya Federasiyası dövlət sərhədinə gedən avtomobil yolunun 28-ci kilometrliyində, hazırda fəaliyyətsiz olan və sahibi məlum olmayan sahədə yanğın qeydə alınıb.

APA-nın məlumatına görə, yanğın zamanı həmin ərazidə yerləşən bir ədəd mazutvuran nasos və təxminən 30 kvadratmetr sahədə mazut yanaraq məhv olub.

Hadisə baş verən vaxt ərazidə fəhlə kimi çalışan Sumqayıt şəhər sakini, 1996-cı il təvəllüdlü Əliyev Famil Qələmşah oğlu termik yanıq xəsarətləri alıb və dərhal xəstəxanaya çatdırılıb.

Hadisə ilə bağlı araşdırma aparılır