Aprelin 30-da vətəndaşların bank kartlarından 30 716 manat talanıb.

Sizinxeber.az xəbər verir ki, bu barədə DİN-dən bildirilib.

Qeyd olunub ki, vətəndaşların bank kartlarından oğurluqlar davam edir: "Kartın üzərindəki CVV/CVC kodu, SMS vasitəsilə göndərilən OTP kodu, digər sizə məxsus sistemlərə giriş üçün lazım olan loqin və şifrələr, kartın PİN kodu məxfi məlumatlardır. Bu məlumatlar naməlum şəxslərə verildiyi halda hesabınızda olan pullar, yaxud pul yoxdursa, kredit formasında Sizə zərər vuracaqlar. Aprelin 30-da ayrı-ayrı vətəndaşların müxtəlif kiber üsulla 13665, 5000, 3000, 2498, 1800, 1440, 1000, 999, 500, 350, 224, 98, 72, 70 manat pul vəsaitləri bank kartlarından oğurlanıb.

Bir daha vətəndaşlara şübhəli zənglərdən gələn cəlbedici qazanc, sığorta, viza işləri, bank hesablarının möhkəmləndirilməsi, mədaxil üzrə ödənişlərlə əlaqəli təkliflərə diqqətlə yanaşmağı tövsiyə edirik. Qəti formada şəxsi bank məlumatlarını naməlum şəxslərə verməyin, təhlükə var".

Oxşar xəbərlər

Ötən gün bank kartlarından 20 min manatdan çox vəsait oğurlanıb

Ötən gün vətəndaşların bank kartlarından 30 min manatdan çox pul talanıb

Həftəsonu bank kartlarından 18 min manat oğurlanıb

Dünən bank kartlarından 36 min manat oğurlanıb

Vətəndaşların bank kartlarından oğurluqlar davam edir