24.02.2024-cü il tarixində saat 21:44 radələrində Abşeron rayonu Saray qəsəbəsində hündürmərtəbəli yaşayış binasında mənzillərin birində baş verən yanğın hadisəsi ilə bağlı Sumqayıt Tibb Mərkəzinin Təcili və Təxirəsalınmaz Tibbi Yardım Stansiyasına çağırış daxil olub. Dərhal hadisə yerinə 1 briqada cəlb olunub.

Mərkəzdən APA-ya bildirilib ki, hadisə zamanı yanıq xəsarətləri alan 2000-ci il təvəllüdlü şəxs (qadın) Təcili Tibbi Yardım Xəstəxanasına hospitalizasiya olunub.

Ona üzün, hər iki saidin, əlin 2 və 3-cü dərəcəli termiki yanığı diaqnozları qoyulub. Zəruri ilkin tibbi yardım edildikdən sonra isə xəstə Nərimanov Tibb Mərkəzinin nəzdindəki Yanıq Mərkəzinə təxliyə olunub.

Oxşar xəbərlər

Binəqədi rayonunda baş verən yanğında altı nəfər xəsarət alıb

Bakıda baş verən yanğında xəsarət halı qeydə alınmayıb

Güclü külək səbəbindən üç nəfər xəsarət alıb: Birinin vəziyyəti ağırdır

TƏBİB Bakıdakı yanğınla bağlı məlumat yaydı

Masallıda bazarda baş verən dəhşətli yanğın məhdudlaşdırılıb