Sabirabad rayonunun iki sakini elektrik dirəyindən yıxılıb, biri ölüb, digəri isə yaralanıb.

“Report”un Aran bürosunun məlumatına görə, hadisə Salyan və Biləsuvar rayonlarının sərhədndə qeydə alınıb.

İlkin məlumata görə, sözügedən ərazidə Sabirabad rayon sakinləri, 1989-cu il təvəllüdlü Manafov Novruz Yarməmməd oğlu və 1998-ci il təvəllüdlü Gülməmmədov Aqşin Gülağa oğlu elektrik xətlərini çəkərkən 15-20 metr hündürlükdə olan elektrik dirəyindən yıxılıb.

Hadisə nəticəsində hər iki şəxs müxtəlif dərəcəli bədən xəsarətləri alıb.

Onlar Salyan Mərkəzi Rayon Xəstəxanasına çatdırılarkən N.Manafov yolda ölüb. İlkin tibbi yardım göstərilən A.Gülməmmədovun vəziyyəti ağır olduğundan, onun Bakıya göndəriləcəyi gözlənilir.

Onların "Azərenerji"nin əməkdaşları olduğu bildirilir.

Faktla bağlı araşdırma aparılır.

Oxşar xəbərlər

Şəkidə 64 yaşlı məktəb direktoru rabitə dirəyindən yıxılıb

Sabirabadda bir yaşlı uşaq pilləkəndən yıxılaraq ölüb

Sabirabadda yol qəzasında ata və oğlu xəsarət alıb

Salyanda elektrik şəbəkəsinin əməkdaşını cərəyan vurub

Salyanda yol qəzası olub, 3 nəfər xəsarət alıb