Quba-Xaçmaz yolunda baş verən ağır qəzada ölənlərin və yaralananların adları məlum olub.

APA-nın yerli bürosunun məlumatına görə, hadisə zamanı Arif İmamquluyev və Elmar Məmmədov həkimlərin səyinə baxmayaraq, xəstəxanada dünyasını dəyişib.

Sürücü Fərhad İbrahimov və sərnişinlər - Mustafa Əkbərov, Akif Qurbanovun vəziyyəti isə orta-ağırdır.

Onların müalicəsi Quba Rayon Mərkəzi Xəstəxanasında aparılır.

***

Saat 20:27

Qubada baş verən qəzəda iki nəfər ölüb.

APA xəbər verir ki, bu barədə DİN məlumat yayıb.

Xaçmaz-Quba yolunun Barlı kəndi ərazisindən keçən hissəsində “Priora" markalı nəqliyyat vasitəsinin ağaca çırpılması nəticəsində avtomobildə olan 5 nəfərdən 2-si ölüb, digər 3 nəfər xəstəxanaya yerləşdirilib.

Faktla bağlı araşdırmalar davam etdirilir.

***

Saat 19:06

Quba-Xaçmaz yolunun Quba rayonunun Barlı kəndi ərazisindən keçən hissəsində yol nəqliyyat hadisəsi baş verib.

APA-nın Şimal bürosu xəbər verir ki, “Lada Priora” markalı minik avtomobili yoldan çıxaraq ağaca çırpılıb.

Nəticədə avtomobildə olan 5 nəfər ağır xəsarətlər alıb. Onlar Quba rayon Mərkəzi Xəstəxanasına yerləşdirilib. Hazırda yaralılara tibbi yardım göstərilir.

Faktla bağlı araşdırma aparılır.

Oxşar xəbərlər

Cəlilabadda baş verən qəzada piyada ölüb

Ucarda qəza olub, ölən var

Göygöldə iki maşın toqquşub, ölən və xəsarət alanlar var

Göyçayda yol-nəqliyyat hadisəsi zamanı piyada ölüb

Biləsuvarda iki yol-nəqliyyat qəzası olub, xəsarət alanlar var