Ağcabədidə 9 il əvvəl qətl törətməkdə ittiham olunaraq 19 il müddətinə azadlıqdan məhrum olunan Xəyyam Salahov yenidən məhkəməyə müraciət edib.

Sizinxeber.az xəbər verir ki, məhkum apellyasiya məhkəməsinə müraciət edərək barəsində olan hökmün dəyişdirilməsini istəyib.

Bu gün Bakı Apellyasiya Məhkəməsində hakim Ramin Qaraqurbanlının sədrliyi ilə keçirilən prosesdə qərar elan olunub, şikayət təmin olunmayıb, hökm qüvvədə saxlanılıb.

Qeyd edək ki, hadisə 2015-ci ilin oktyabr ayında Ağcabədi rayonunda baş verib.

İttihama görə, 1979-cu il təvəllüdlü Xəyyam Salahov və 1987-ci il təvəllüdlü Namiq Məmmədov 1956-cı il təvəllüdlü, xarici valyutanın alqı-satqısı ilə məşğul Valeh İsmayılovu yaşadığı Ağcabədi şəhərində boğaraq öldürüb, üzərində olan külli miqdarda pulu götürüb, meyitini su kanalına atıblar. Qətlin üstü xeyli sonra açılıb. V. İsmayılovun meyiti Qarabağ kanalının İmişli rayonu ərazisindən keçən hissəsində tapılıb.

Qətli törətməkdə şübhəli bilinən Salahov Xəyyam Abdulla oğlu və Məmmədov Namiq Qurban oğlu 2016-cı ilin fevral ayında saxlanılıblar. Lənkəran Ağır Cinayətlər Məhkəməsinin hökmü ilə Xəyyam Salahov və Namiq Məmmədovun hər biri 19 il müddətinə azadlıqdan məhrum ediliblər. Digər məhkəmə instansiyaları hökmü qüvvədə saxlayıb.

Oxşar xəbərlər

On üç il əvvəl kirayə qaldığı evin sahibini öldürməyə görə tutulan, sonradan bəraət alan şəxs barədə qərar verilib

Keçmiş məhkumu öldürən şəxsin cəzası azaldılıb

Sumqayıtda idmançını öldürən ata və oğul barəsində məhkəmə qərar qəbul edib

MN-in Hərbi Polis İdarəsi və hərbi hissələrin maliyyə-xidmət rəisi olan şəxslə bağlı qərar verilib

Azyaşlı oğlunu, qayınanasını bıçaqlayan, sonra özünə xəsarət yetirən şəxslə bağlı qərar verilib