Daşkəsən şəhəri, İsmət Qayıbov küçəsində yerləşən yaşayış binasında partlayış baş verib.

"Sizinxeber.az" xəbər verir ki, məlumatla əlaqədar dərhal əraziyə FHN-in Dövlət Yanğından Mühafizə Xidməti Daşkəsən Rayon Yanğından Mühafizə Hissəsinin qüvvələri cəlb olunub.

Hadisə yerində əməliyyat şəraitinin operativ qiymətləndirilməsi zamanı məlum olub ki, üçmərtəbəli yaşayış binasının 1-ci mərtəbəsində yerləşən ümumi sahəsi 24m² olan üçotaqlı mənzilin anbar kimi istifadə edilən 1 otağında, ilkin ehtimala görə, məişət qazının sızması nəticəsində yanğınla nəticələnməyən partlayış baş verib.

Hadisə nəticəsində mənzilin 1 otağının əlavə artırması 2m² sahədə uçub, 2 otağın pəncərə çərçivələri və dəmir barmaqlıqları yerindən çıxıb. Partlayış dalğasının təsirindən otağa yığılmış ayaqqabı və digər geyim əşyaları yararsız vəziyyətə düşüb.

Hadisə nəticəsində xəsarət alan olmayıb.

FHN-in qüvvələri tərəfindən hadisə yerində zəruri təhlükəsizlik tədbirləri görülüb.

Hadisə ilə əlaqədar aidiyyəti qurumlar tərəfindən araşdırma aparılır.

Oxşar xəbərlər

Sabirabadda yaşayış binasında köməksiz qalan sakinlər xilas edilib [xfgiven_updateblue][/xfgiven_updateblue]

Bakıda çoxmərtəbəli yaşayış binası yanır [xfgiven_updateblue][/xfgiven_updateblue]

Bakıda ev yanıb, xəsarət alan var [xfgiven_updateblue][/xfgiven_updateblue]

Nazir: "Xankəndi yaxınlığındakı yanğının söndürülməsi zamanı FHN qüvvələri peşəkarlıq göstərib" [xfgiven_updateblue][/xfgiven_updateblue]

Ad günündə qumbara partladı, Zalujnının köməkçisi öldü [xfgiven_updateblue][/xfgiven_updateblue]