Qəbələdə yerləşən şadlıq evlərindən birində keçirilən toy mərasimində 55 nəfər zəhərlənib, Qəbələ Rayon Prokurorluğunda araşdırma aparılır.

"Sizinxeber.az" xəbər verir ki, bu barədə Baş Prokurorluğun mətbuat xidməti məlumat yayıb.

Bildirilib ki, zəhərlənmənin səbəbinin müəyyənləşdirilməsi məqsədilə prokurorluq əməkdaşları tərəfindən Azərbaycan Respublikasının Qida Təhlükəsizliyi Agentliyi əməkdaşlarının iştirakı ilə şadlıq evindəki qidalardan nümunələr götürülərək müvafiq ekspertizalar təyin edilib və digər zəruri prosessual hərəkətlər icra olunub.

Azərbaycan Qida Təhlükəsizliyi Agentliyi (AQTA) Qəbələdə kütləvi zəhərlənmə ilə bağlı araşdırmaya başlayıb.

Bu barədə "Sizinxeber.az"un sorğusuna cavab olaraq Agentlikdən məlumat verilib.

Bildirilib ki, baş verən hadisənin səbəbləri, həmçinin qida zəhərlənməsi olub-olmaması ilə bağlı Qida Təhlükəsizliyi Agentliyinin mütəxəssisləri ilə müvafiq qurumların əməkdaşları tərəfindən araşdırmalara başlanılıb.

"Araşdırmaların nəticələri ilə bağlı ictimaiyyətə məlumat veriləcək", - deyə məlumatda qeyd edilib.

Qeyd edək ki, Qəbələdə xeyli sayda toy iştirakçısının zəhərləndiyi bildirilir.

Oxşar xəbərlər

Qəbələdə kütləvi zəhərlənmə ilə bağlı araşdırma başlanılıb [xfgiven_updateblue][/xfgiven_updateblue]

Qəbələdə toyda kütləvi zəhərlənmə olub - YENİLƏNİB [xfgiven_updateblue][/xfgiven_updateblue]

Ölkəyə qanunsuz yollarla gətirilən kökəldici dərmanla bağlı XƏBƏRDARLIQ [xfgiven_updateblue][/xfgiven_updateblue]

Azərbaycanda toyda 5 nəfər zəhərləndi [xfgiven_updateblue][/xfgiven_updateblue]

AQTA-dan bu məhsulla bağlı xəbərdarlıq: Kimyəvi maddə... [xfgiven_updateblue][/xfgiven_updateblue]