Könül İbrahimlinin ölməsi faktı ilə bağlı cinayət işi başlanıb.

Baş Prokurorluğun Mətbuat xidmətindən "Sizinxeber.az"a verilən xəbərə görə, iyunun 30-da Binəqədi rayonu Xocasən qəsəbəsi ərazisində 2005-ci il təvəllüdlü Könül İbrahimlinin yaşadığı binanın 8-ci mərtəbəsindən yıxılaraq ölməsi faktı ilə bağlı Binəqədi rayon prokurorluğunda Cinayət Məcəlləsinin 125-ci (özünü öldürmə həddinə çatırma) maddəsilə cinayət işi başlanaraq istintaq aparılır.

Hadisənin baş vermə şəraiti və səbəbi ətraflı və obyektiv yoxlanılmaqla nəticəsi üzrə müvafiq qərarın qəbul edilməsi təmin olunacaq.

Qeyd edək ki, Könül İbrahimli bir neçə ay əvvəl İkinci Qarabağ Müharibəsinin qazisi ilə ailə həyatı qurub. Qızın valideynləri iddia edib ki, qızları yıxılmayıb, həyat yoldaşı onu itələyərək ölümünə səbəb olub.

Oxşar xəbərlər

Qazinin həyat yoldaşının 8-ci mərtəbədən yıxılaraq ölməsi ilə bağlı cinayət işi başlanıb

Biləsuvarda azyaşlının ölməsi faktı ilə bağlı cinayət işi başlanıb

Nəzrin Mansurlunun ölməsi faktı üzrə cinayət işi başlanıb

Qatarın vurduğu adamın ölməsi ilə bağlı cinayət işi başlanıb

Şadlıq sarayında təmir zamanı ustanın yıxılaraq ölməsi faktı ilə bağlı cinayət işi açılıb