Almaniyada meyiti tapılan 18 yaşlı tələbə Kənan Camal oğlu Səfərov doğulduğu kənddə torpağa tapşırılıb.

APA-nın cənub bürosunun verdiyi xəbərə görə iyulun 5-də Almaniyanın Münhen şəhərində təhsil alan tələbə Kənan Camal oğlu Səfərovun meyiti yaşadığı ünvanda tapılıb.

Bu gün Kənan Səfərovun meyiti Azərbaycana, doğulduğu Lənkəran rayonunun Digah kəndinə aparılıb.

Vida mərasimindən sonra o, Digah kənd qəbiristanlığında torpağa tapşırılıb.

Yaxınlarının dediyinə görə, ilkin versiya olaraq Kənanın ölümünə səbəb soyuq su içdikdən sonra damarlarında tromblaşmanın əmələ gəlməsi olub.

Qeyd edək ki, evin tək övladı və birinci kurs tələbəsi olan Kənan Səfərov 6 ay idi Almaniyada yaşayırdı. Buna qədər isə o, anası ilə Bakı şəhərində yaşayıb.

Oxşar xəbərlər

Azərbaycanlı tələbə Almaniyada ölü tapılıb

Lənkəranda 30 yaşlı kişinin meyiti tapılıb

Lənkəranda 36 yaşlı qadının meyiti tapılıb

Lənkəranda, iki uşaq atasının tövlədə meyiti tapılıb

Lənkəranda iki uşaq atasının tövlədə meyiti tapılıb