Rusiya, Azərbaycan və Ermənistan Baş nazirləri müavinlərinin həmsədrlik etdiyi Üçtərəfli İşçi qrupu çərçivəsində əhəmiyyətli praktik nəticələrə nail olunub.

Sizinxeber.az-nın Moskva müxbiri xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova bu gün keçirdiyi brifinqdə bildirib.

Onun sözlərinə görə, Üçtərəfli İşçi qrupun işində heç vaxt Ermənistanda hansısa eksterritorial dəhlizin yaradılmasından söhbət getməyib, əksinə, razılaşdırılıb ki, tərəflər öz ərazilərindən keçən dəhlizlər üzərində suverenliyə malikdikdirlər: “Təəssüflər olsun ki, qərblilərin destruktiv fəaliyyətinə görə, Ermənistan tərəfinin qərarı ilə Üçtərəfli İşçi qrupun işi dayanıb. Biz bu barədə dəfələrlə demişik. Əminəm ki, Üçtərəfli İşçi qrupun işinin tezliklə tam bərpa olunması təkcə Cənubi Qafqaz regionunda nəqliyyat kommunikasiyaların bərpasını deyil, həm də gələcəkdə regionun sosial iqtisadi inkişafını təmin edəcək. Öz tərəfimizdən bir daha təsdiq edirik ki, Azərbaycan və Ermənistandan olan tərəfdaşlarımıza vasitəçilik etməyə hazırıq”, - Rusiya XİN sözçüsü fikrini yekunlaşdırıb.

Oxşar xəbərlər

Rəsmi Moskva Paşinyanın Zəngəzur dəhlizinə monitorinqin FTX-ya verilə biləcəyi ilə bağlı bəyanatına münasibət bildirib

Zaxarova: Ermənistan Zəngəzurdan keçən kommunikasiyalara Rusiya sərhədçilərinin nəzarətindən imtina edib

Zaxarova rusiyalı politoloqun Ermənistana girişinə qadağa qoyulmasına münasibət bildirib

Zaxarova: Ermənistanla KTMT çərçivəsində tərəfdaşlığımızın tam bərpa olunacağına ümid edirik

Rusiya XİN: Üçtərəfli işçi qrup Azərbaycanın qərb rayonlarını Naxçıvanla birləşdirməli olan marşrutu müzakirə edir