Azərbaycanın xarici işlər naziri Ceyhun Bayramov Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) Nazirlər Şurasının 7-ci İclasında çıxış edib.

“Report” xəbər verir ki, bu barədə Azərbaycan Xarici İşlər Nazirliyi məlumat yayıb.

C.Bayramov çıxışında qeyd edib ki, Azərbaycanın AQEM-ə sədrliyi Asiya və bütün dünyanın dəyişən geosiyasi və iqtisadi mənzərəsi üçün çox vacib bir anda başlayır:

“Azərbaycan AQEM Sədrliyini ölkəmizin qlobal diplomatiyada “körpü qurmaq” rolu təcrübəsi, çoxtərəfli platformalarda liderliyi, sülh, sabitlik və dayanıqlı inkişafa olan möhkəm sadiqliyinə əsaslanaraq quracaqdır.

Azərbaycanın AQEM-ə sədrliyi təkcə Müşavirənin tarixi deyil, o cümlədən Asiyanın və bütün dünyanın dəyişən geosiyasi və iqtisadi mənzərəsi üçün çox vacib bir anda başlayır”.

Nazir son 30 ildə əldə olunmuş uğurlar əsasında AQEM-in tam formalaşmış beynəlxalq təşkilata çevrilməsi ilə bağlı hazırkı keçid prosesinin davam etdiriləcəyini vurğulayıb.

Azərbaycanın xarici işlər naziri Ceyhun Bayramov Asiyada Qarşılıqlı Fəaliyyət və Etimad Tədbirləri üzrə Müşavirənin (CICA) Nazirlər Şurasının 7-ci İclasında çıxış edib.

“Report” xəbər verir ki, bu barədə Azərbaycan Xarici İşlər Nazirliyi məlumat yayıb.

Bildirilib ki, nazir çıxış edərək Azərbaycanın CICA-ya sədrliyinin xüsusilə əlaqə, rəqəmsallaşdırma, eləcə də Asiyada davamlı inkişaf sahələrində prioritetlərindən danışıb.

“CICA-nın institusionallaşdırılması, o cümlədən onun tamhüquqlu beynəlxalq təşkilat kimi maliyyə potensialının gücləndirilməsi Azərbaycan sədrliyinin prioritetləri sırasında olacaq.

Azərbaycan sədrliyi həmçinin inklüziv regional platforma kimi qlobal mövqeyini artırmaq üçün CICA-nın digər beynəlxalq və regional təşkilatlarla tərəfdaşlıqlarını genişləndirməyə diqqət yetirəcək", - məlumatda vurğulanıb.

Qeyd edək ki, Asiyada Qarşılıqlı Fəaliyyət və Etimad Tədbirləri üzrə Müşavirəyə 2020-2024-cü illərdə Qazaxıstan sədrlik edib.

Asiyada Qarşılıqlı Fəaliyyət və Etimad Tədbirləri üzrə Müşavirənin (CICA) Nazirlər Şurasının 7-ci iclası onlayn formatda öz işinə başlayıb.

"Report" xəbər verir ki, bu barədə Azərbaycan Xarici İşlər Nazirliyi məlumat yayıb.

Bildirilib ki, Azərbaycan xarici işlər naziri Ceyhun Bayramov bir sıra mühüm qərarların qəbul ediləcəyi, o cümlədən Azərbaycanın CICA-ya sədrliyinin qəbul olunacağı Nazirlər Şurasının iclasında iştirak edir.

The 7th Meeting of Ministerial Council of the Conference on Interaction and Confidence-Building Measures in Asia (CICA) @CicaSecretariat has started in an online format. @Bayramov_Jeyhun, Minister of Foreign Affairs of the Republic of #Azerbaijan attends the Ministerial Council… pic.twitter.com/on6IXHs6O2

— MFA Azerbaijan (@AzerbaijanMFA) December 17, 2024

Oxşar xəbərlər

Ceyhun Bayramov AQEM-in iclasında iştirak edir

Azərbaycan 2024-2026-cı illər üzrə AQEM-ə sədrliyi təhvil alıb

Alim Bayel: Azərbaycan COP29 çərçivəsində AQEM-ə sədrlik edəcək

Azərbaycanın növbəti iki ildə AQEM-ə sədrliyi dövründə görəcəyi işlər müzakirə olunub

Azərbaycan AQEM ilə COP29 çərçivəsində tərəfdaşlıq imkanlarını müzakirə edib